上次講到consult咗兩位普通科牙醫，都係覺得箍牙搵個專科矯齒醫生比較放心。上網搵咗好幾個地址比較合適的，再打電話去問大概價錢，全部都係約$5-10萬之間。有D第一次見已經要照x-ray同倒模，有D就可以見面consult咗先，consultation fee大約$300-$1000不等。有D唔做invisalign，有D要排一個月先見到醫生，有D唔係經常喺同一診所....問咗好幾間，又上網check咗make sure冇bad comment，最後決定去其中一位喺中環嘅專科矯齒醫生做consultation。
當日去到，醫生先望一望我D牙，問我點解要箍同對現在的嘴型覺得有冇問題。佢咁問其實我都有D突然，因為我一直冇覺得嘴型會係一個考慮。我就話無呀宜家個嘴型ok，無覺得要改。佢話我個case一定唔雖要脫牙，有機會要磨牙不過就唔係一定，咁講只係想我有心理準備。呢樣野有少少同之前兩個牙醫講嘅有D分別，因為佢地一嚟就話要磨牙先至有足夠位俾D牙move，而呢位醫生就係話唔一定要磨牙，俾我嘅感覺佢盡量都係希望唔影響原本的牙齒。同埋佢都會留意到一D其他牙醫比較少講嘅，好似我話我D牙瞓覺時會咬得好實（精神緊張），佢會留意做retainer時某D地方可以做厚D。是次費用$1000。
至於價錢方面，我有心理準備會貴架啦，不過個價錢比我預計再貴少少，仲要一開始就要俾好大畢錢。思前想後都有兩三個星期，都係決定喺呢位專科醫生度箍，因為真係唔想再左搵右搵，而且consultation都要錢ga ma，箍牙又冇劃一收費，其他醫生收幾多錢真係好難預計，與其再搵第二個醫生，快D開始仲實際啦。
下一次會講照x-ray、印模同之後見醫生嘅意見。=)
Monday, August 12, 2013
Wednesday, August 7, 2013
我的箍牙日記 - 尋找合適的牙醫 (1) My Experience with Braces - Finding the Right Orthodontist (1)
經過一番研究同資料搜集，終於開始我嘅箍牙療程喇！用咗好多時間搵合適嘅牙醫，所以好想同大家分享一下我嘅經驗。
我d牙一直都唔算好整齊，有少少overcrowding，但都唔算非常嚴重，除此之外其實都冇乜大問題。細個媽媽冇特別提起話帶我箍牙，就自然冇去箍牙啦。我上排牙有一隻少少迫入咗（未至於是爆牙），影相嘅時候會睇到有個位暗咗d，而上面後排牙齒因為過迫，兩邊都係入咗d去嘅，正面睇笑嘅時候近嘴角兩邊見暗的地方會比較多，下排d牙又係因為迫得滯迫到前前後後咁，雖然影相唔多影響，但同人講野應該會比較覺眼，所以成日都“凝住”自己唔靚，有d缺憾咁。
其實大約五年前從美國讀完書番來已經想走去箍牙，試過問去開洗牙的普通科牙醫有關箍牙的資料。第一個牙醫介紹咗一位矯齒專科醫生（後來知道原來都幾出名，特別係幫小朋友箍牙，遲d再講），不過當時忙住開始讀另一個課程，最終不了了之。直到我出嚟做嘢，呢個念頭又返番嚟啦。其實當時已經有Invisalign呢樣野，箍牙又唔駛怕樣衰一年兩年，真係好吸引，同埋已經做緊嘢，外表更加係一個重要嘅因素。之後去另一個牙醫洗牙，又再問佢箍牙的事，佢睇過我d牙認為我適合箍Invisalign（佢有提供呢樣療程），呢位牙醫其實唔係矯齒專科，但就係修復齒科專科，所以俾我嘅感覺都係可靠的，同埋佢唔係一嚟就同我講要點箍點箍，係話我知我嘅情況適唔適合箍，呢點我覺得幾重要，因為箍牙始終係一個療程，專業嘅醫生應該係要向病人提供佢嘅專業醫學意見，解答問題，而唔係當箍牙係一種product咁sell。之但係，我呢位牙醫有少少cool，我問一句佢答一句咁啦，我嗰時又唔係做咗好多research，所以都係唔係好清楚個過程同自己真正嘅要求，問咗d basic野、價錢、時間等，就話返去考慮下。
"dum"吓 "dum" 吓又一兩年，今年年頭我又去同一個牙醫度洗牙，又順便問下箍牙d野。因為對箍牙特別係Invisalign留意多咗，所以今次問得深入咗。至於價錢，原來已經加咗價，又係嘅，呢兩年租同人工都升咗咁多，地鐵都加價咗唔知幾多次，牙醫又點會唔加吖。
唔知係咪覺得加咗價後悔唔早d箍，又或者驚覺自己都開始"一把年紀"，覺得真係要行動啦，拖下拖下都係冇意思，所以今次就好勤力做research，上網做資料搜集。基本上喺google或yahoo打"Invisalign 箍"、"箍牙"、"隱適美"，好大部分都係link去以下地方：
- Discuss.com.hk: 內容比較集中討論去邊個醫生箍同問價錢，特別有一兩位牙醫係經常提及（兩位都唔係專科）。
- Babykingdom: 家長幫子女問箍牙的多，主要係搵矯齒專科醫生醫治天生的牙齒和面型問題，如倒及牙，有較多不同矯齒專科醫生資料（當然也有幾位比較popular）。雖然話就係討論小朋友箍牙，但其實好多家長可能緊張小朋友，所以都好小心選擇牙醫，所以佢地討論嘅內容都比較有用。
- Beautyexchange: 同discuss.com.hk差不多，都係好集中討論幾位牙醫同價錢，但就有較多分享箍牙過程，都有參考價值。
- Various personal blogs: 箍牙經驗分享，同埋一d日常小tips，有似出外食嘢點先可以方便地除個箍，用咩清潔個箍等，好多都有定期update，都係好有參考價值。
除此之外，最重要係參考香港牙醫管理委員會- 註冊牙醫名單，有齊所有牙醫地址、資歷同取得資格年份，非常有用。
有一日睇報紙見到Invisalign公司搞咗個講座，又走咗去聽，內容ok啦，請咗位牙醫講解下Invisalign可以解決d咩牙齒問題、好處、過程等。反而Q&A session仲聽到多d野。之後講者牙醫（之後先知就係討論區好多人講果兩位其中之一）有留低解答問題，可以排隊單對單傾。當日所有參加者都可以去嗰位牙醫診所做免費的consultation，如果confirm做仲有九折。既然係免費，去問下都冇防，所以過咗幾日就book咗星期六上午做consultation。
呢個時候我都已經幾清楚invisalign嘅療程，所以都叫有備而來，去其實都係睇吓佢係唔係俾到信心我喺佢度箍。一如所料診所好多人，多人到我要企喺度等。等咗２０分鐘到，可以入去見醫生。我一坐低連醫生都未見，已經即刻被兩個姑娘包圍（當時真係有咁嘅感覺），按底張醫生椅就好快手咁幫我影咗好幾張口腔內嘅相，同埋我嘅正面側面相。一開始我已經問其實我喺想consult醫生先，佢地就話之後醫生會同我傾。呢一刻我已經感覺唔係幾好，我根本連係唔係喺佢度箍都未決定，佢就好似要攞晒d資料先咁，一Ｄ都唔專重病人私隱，可能好多人都冇所謂，但我就好concern呢Ｄ野。
講番同醫生傾嘅內容，其實佢都解答得好詳細，冇令我覺得佢好趕想快快了事。我諗佢都做好多cases，所以我Ｄ問題都唔會話好困難。之後姑娘就帶我去另一間房講解治療過程，show咗Ｄ電腦圖sample，同傾payment。之後我話我要考慮下，佢都冇太pushy，只係話好多人只係欠落決心做嘅第一下，同如果下午決定到可以番去照x-ray同做模（都幾aggressive做生意）。價錢係好吸引的，比我洗牙醫生平（差不多平25%），不過可能佢真係太好生意，感覺就真係有少少流水作業。
睇咗一大堆資料，又做咗兩次consultation（包括自己本身那位牙醫），覺得都係想搵矯齒專科醫生。可能你地會問，如果我Ｄ牙問題不大，點解咁concern要專科醫生。因為我覺得箍牙始終係一個療程，牙齒除咗整齊之外仲有更重要functional嘅作用，食野、講野都同牙齒有關，如果箍衰咗，淨係呢兩樣野都夠煩足一世。我知道矯齒專科係普通牙科畢業後再讀多六年先可以取得資格，所以當中嘅知識一定唔係話箍齊排牙咁簡單嘅。
下次會講下我同一位專科醫生consultation session 嘅內容。Stay tuned!
This category of post is dedicated to my experience with braces, in particularly my quest for the right orthodontist.
我d牙一直都唔算好整齊，有少少overcrowding，但都唔算非常嚴重，除此之外其實都冇乜大問題。細個媽媽冇特別提起話帶我箍牙，就自然冇去箍牙啦。我上排牙有一隻少少迫入咗（未至於是爆牙），影相嘅時候會睇到有個位暗咗d，而上面後排牙齒因為過迫，兩邊都係入咗d去嘅，正面睇笑嘅時候近嘴角兩邊見暗的地方會比較多，下排d牙又係因為迫得滯迫到前前後後咁，雖然影相唔多影響，但同人講野應該會比較覺眼，所以成日都“凝住”自己唔靚，有d缺憾咁。
其實大約五年前從美國讀完書番來已經想走去箍牙，試過問去開洗牙的普通科牙醫有關箍牙的資料。第一個牙醫介紹咗一位矯齒專科醫生（後來知道原來都幾出名，特別係幫小朋友箍牙，遲d再講），不過當時忙住開始讀另一個課程，最終不了了之。直到我出嚟做嘢，呢個念頭又返番嚟啦。其實當時已經有Invisalign呢樣野，箍牙又唔駛怕樣衰一年兩年，真係好吸引，同埋已經做緊嘢，外表更加係一個重要嘅因素。之後去另一個牙醫洗牙，又再問佢箍牙的事，佢睇過我d牙認為我適合箍Invisalign（佢有提供呢樣療程），呢位牙醫其實唔係矯齒專科，但就係修復齒科專科，所以俾我嘅感覺都係可靠的，同埋佢唔係一嚟就同我講要點箍點箍，係話我知我嘅情況適唔適合箍，呢點我覺得幾重要，因為箍牙始終係一個療程，專業嘅醫生應該係要向病人提供佢嘅專業醫學意見，解答問題，而唔係當箍牙係一種product咁sell。之但係，我呢位牙醫有少少cool，我問一句佢答一句咁啦，我嗰時又唔係做咗好多research，所以都係唔係好清楚個過程同自己真正嘅要求，問咗d basic野、價錢、時間等，就話返去考慮下。
"dum"吓 "dum" 吓又一兩年，今年年頭我又去同一個牙醫度洗牙，又順便問下箍牙d野。因為對箍牙特別係Invisalign留意多咗，所以今次問得深入咗。至於價錢，原來已經加咗價，又係嘅，呢兩年租同人工都升咗咁多，地鐵都加價咗唔知幾多次，牙醫又點會唔加吖。
唔知係咪覺得加咗價後悔唔早d箍，又或者驚覺自己都開始"一把年紀"，覺得真係要行動啦，拖下拖下都係冇意思，所以今次就好勤力做research，上網做資料搜集。基本上喺google或yahoo打"Invisalign 箍"、"箍牙"、"隱適美"，好大部分都係link去以下地方：
- Discuss.com.hk: 內容比較集中討論去邊個醫生箍同問價錢，特別有一兩位牙醫係經常提及（兩位都唔係專科）。
- Babykingdom: 家長幫子女問箍牙的多，主要係搵矯齒專科醫生醫治天生的牙齒和面型問題，如倒及牙，有較多不同矯齒專科醫生資料（當然也有幾位比較popular）。雖然話就係討論小朋友箍牙，但其實好多家長可能緊張小朋友，所以都好小心選擇牙醫，所以佢地討論嘅內容都比較有用。
- Beautyexchange: 同discuss.com.hk差不多，都係好集中討論幾位牙醫同價錢，但就有較多分享箍牙過程，都有參考價值。
- Various personal blogs: 箍牙經驗分享，同埋一d日常小tips，有似出外食嘢點先可以方便地除個箍，用咩清潔個箍等，好多都有定期update，都係好有參考價值。
除此之外，最重要係參考香港牙醫管理委員會- 註冊牙醫名單，有齊所有牙醫地址、資歷同取得資格年份，非常有用。
有一日睇報紙見到Invisalign公司搞咗個講座，又走咗去聽，內容ok啦，請咗位牙醫講解下Invisalign可以解決d咩牙齒問題、好處、過程等。反而Q&A session仲聽到多d野。之後講者牙醫（之後先知就係討論區好多人講果兩位其中之一）有留低解答問題，可以排隊單對單傾。當日所有參加者都可以去嗰位牙醫診所做免費的consultation，如果confirm做仲有九折。既然係免費，去問下都冇防，所以過咗幾日就book咗星期六上午做consultation。
呢個時候我都已經幾清楚invisalign嘅療程，所以都叫有備而來，去其實都係睇吓佢係唔係俾到信心我喺佢度箍。一如所料診所好多人，多人到我要企喺度等。等咗２０分鐘到，可以入去見醫生。我一坐低連醫生都未見，已經即刻被兩個姑娘包圍（當時真係有咁嘅感覺），按底張醫生椅就好快手咁幫我影咗好幾張口腔內嘅相，同埋我嘅正面側面相。一開始我已經問其實我喺想consult醫生先，佢地就話之後醫生會同我傾。呢一刻我已經感覺唔係幾好，我根本連係唔係喺佢度箍都未決定，佢就好似要攞晒d資料先咁，一Ｄ都唔專重病人私隱，可能好多人都冇所謂，但我就好concern呢Ｄ野。
講番同醫生傾嘅內容，其實佢都解答得好詳細，冇令我覺得佢好趕想快快了事。我諗佢都做好多cases，所以我Ｄ問題都唔會話好困難。之後姑娘就帶我去另一間房講解治療過程，show咗Ｄ電腦圖sample，同傾payment。之後我話我要考慮下，佢都冇太pushy，只係話好多人只係欠落決心做嘅第一下，同如果下午決定到可以番去照x-ray同做模（都幾aggressive做生意）。價錢係好吸引的，比我洗牙醫生平（差不多平25%），不過可能佢真係太好生意，感覺就真係有少少流水作業。
睇咗一大堆資料，又做咗兩次consultation（包括自己本身那位牙醫），覺得都係想搵矯齒專科醫生。可能你地會問，如果我Ｄ牙問題不大，點解咁concern要專科醫生。因為我覺得箍牙始終係一個療程，牙齒除咗整齊之外仲有更重要functional嘅作用，食野、講野都同牙齒有關，如果箍衰咗，淨係呢兩樣野都夠煩足一世。我知道矯齒專科係普通牙科畢業後再讀多六年先可以取得資格，所以當中嘅知識一定唔係話箍齊排牙咁簡單嘅。
下次會講下我同一位專科醫生consultation session 嘅內容。Stay tuned!
This category of post is dedicated to my experience with braces, in particularly my quest for the right orthodontist.
Subscribe to:
Posts (Atom)